QR SІM ókili sırııalyq kelissózder barysyna pikir bildirdi

NUR-SULTAN. QazAqparat - QR SІM Azııa jáne Afrıka departamentiniń dırektory Aıdarbek Tumatov Astana protsesi aıasynda ótip jatqan sırııalyq kelissózderge qatysty pikirin bildirdi, dep habarlaıdy QazAqparat tilshisi.

«Azdaǵan kelispeýshilikter bar. Qazirgi ýaqytta reseılikter Geer Petersonmen (Sırııa boıynsha BUU Bas hatshysynyń arnaıy ýákili) kezdesýde. Osydan keıin bári belgili bolady», - deıdi Aıdarbek Tumatov.

SІM ókili Konstıtýtsııalyq komıtettiń qatysýshylarynyń quramyn aıqyndaý (sırııalyq kelissózder boıynsha) suraqtaryna qatysty da oıyn aıtty.

«Naqty qazirgi ýaqytta dál osy máselege boıynsha kelissózder júrgizilýde. Ártúrli jospardaǵy birqatar suraqtar bar. Kepilger memleketter naqty bul jaıly aıtatyn bolady», - deıdi ol.

Departament dırektory sonymen qatar kelissózderdiń kelesi raýndty qashan ótetini týraly pikirin bildirdi.

«Meniń oıymsha, kepilger memleketter Astana protsesi aıasynda kelesi kezdesýde ortaq qorytyndyǵa kelip qalýy kerek. Biraq, meniń oıymsha kelissózder maýsymnan buryn bolmaıdy», - deıdi Aıdarbek Tumatov.

Eske sala ketsek, Nur-Sultan qalasynda Sırııa boıynsha joǵary deńgeıdegi 12-shi halyqaralyq kezdesý ótetini buǵan deıin habarlanǵan bolatyn.