QR SІM Ierýsalımdegi zorlyq-zombylyqtyń órshýine alańdaýshylyq bildirdi

NUR-SULTAN. QazAqparat – QR Syrtqy ister mınıstrligi Shyǵys Ierýsalımdegi zorlyq-zombylyqtyń órshýine jáne Palestına-Izraıl qatynastarynyń shıelenisýine alańdaýshylyq bildirip, málimdeme jasady, dep habarlaıdy QazAqparat.

«Shyǵys Ierýsalımdegi zorlyq-zombylyqtyń órshýine jáne Palestına-Izraıl qatynastarynyń shıelenisýine alańdaýshylyq bildiremiz.

Qalyptasqan jaǵdaıda barlyq taraptar ustamdylyq tanytyp, ahýaldyń odan ári nasharlaýyna ákeletin qadamdardan bas tartýy qajet.

Ál-Aqsa meshitiniń kesheni tóńireginde arandatýshylyq áreketterden aýlaq bolýǵa jáne statýs-kvony qurmetteýge shaqyramyz.

Saıası, dinı jáne qoǵamdyq kóshbasshylar qasıetti Ramazan aıynda shıelenisti azaıtý úshin bar kúshin salady dep úmittenemiz.

Qazaqstan Palestına-Izraıl qaqtyǵysynyń tek «Eki memleket» formýlasy jáne Birikken Ulttar Uıymynyń tıisti qararlary negizinde beıbit jolmen ádil sheshilýin qoldaıdy», - delingen SІM málimdemesinde.