QR SІM-de «Naýryz elshileri» halyq aspaptary ansambliniń tusaýy kesildi
Ansambl quramyna syrtqy saıası vedomstvonyń 15 qyzmetkeri engen, olar qazaqtyń dástúrli kúılerimen qatar, qazirgi tanymal oryndaýshylardyń týyndylaryn da oryndaıdy. Vedomstvodan habarlaǵandaı, ansambl músheleri dombyra, qobyz, shańqobyz, jetigen, sybyzǵy jáne basqa mýzykalyq halyq aspaptarynda óz ónerlerin pash etedi.
Mınıstrlik qyzmetkerlerin kóktemniń jaımashýaq merekesimen quttyqtaǵan QR SІM basshysy Erlan Ydyrysov Naýryz meıramynyń kóktemniń sımvoly, tabıǵattyń jańarǵan kúni bolyp sanalatynyn atap ótti. «Bul kezeńde tabıǵat qana emes, adamzattyń bolmysy da jańaryp, túleıdi. Naýryz meıramynda týǵan-týystar bir-birimen qaýyshyp, rýhanı jańarady, ókpe-renishteri bolsa keshirisedi», - dedi ol. E.Ydyrysov bes myń jyldan astam ýaqyttan beri toılanyp kele jatqan ulyq merekeniń keńes úkimeti ústemdik etken jyldary qazaq halqynan alshaqtatylǵanyn da aıta ketti. Tek elimiz táýelsizdik alǵan soń ǵana Naýryz meıramy qaıta toılana bastady. «Bárińizge qýanysh, jylylyq, baýyrmaldyq, rýhanı jańarý men jańa jyldy jańa kúsh-qýatpen bastaýlaryńyzdy tileımin», - dedi mınıstr.