QR SІM Aýǵanstandaǵy terrorıstik aktini aıyptady

NUR-SULTAN. QazAqparat - QR Syrtqy ister mınıstrligi 2022 jylǵy 5 qyrkúıekte Kabýl qalasyndaǵy Reseı Federatsııasynyń Elshiligi ǵımaratynyń janynda bolǵan jáne reseılik dıplomattarynyń ómirin qıǵan terrorıstik aktini qatań aıyptady, dep habarlaıdy QazAqparat.

«Aýǵan tarapy oqıǵaǵa muqııat tergeý júrgizý jáne kinálilerdi zańǵa sáıkes qatań jazalaý, sondaı-aq Aýǵanstanda akkredıttelgen dıplomatııalyq korpýs pen sheteldik azamattardy qorǵaýdy qamtamasyz etý úshin qajetti sharalar qabyldaý qajet dep sanaımyz. Qazaqstan tarapy halyqaralyq qoǵamdastyqtyń terrorızmge qarsy kúrestegi kúsh-jigerin qoldaıdy jáne dıplomatııalyq ókildikter men olardyń qyzmetkerlerine qatysty kez kelgen zorlyq-zombylyq kórinisin óreskel dep sanaıdy.Reseı Federatsııasynyń Syrtqy ister mınıstrligine, qaza bolǵandardyń týystary men jaqyndaryna qaıǵyryp kóńil aıtamyz.», - delingen SІM málimdemesinde.

Buǵan deıin habarlanǵandaı, Kabýldaǵy Reseı Elshiliginiń mańynda jarylys bolyp, Elshiliktiń eki qyzmetkeri kóz jumdy.