QR Prokýratýrasy: Qylmystyq qýdalaý organdarynyń kórsetkishterdi qoldan kóterýi joıyldy

ASTANA. QazAqparat - Qylmystyq qýdalaý organdarynyń kórsetkishterdi qoldan kóterýi joıyldy. Bul týraly búgin QR Bas prokýrorynyń orynbasary Nurmuhambet Isaev málim etti.

«Bir mezgilde qylmystyq qýdalaý organdarynyń kórsetkishterin qoldan kóterýdi joıý boıynsha sharalar qoldanyldy. Buryn bir adamnyń esirtki satý deregin birneshe ret qujattap, árbiri boıynsha qylmystyq ister qozǵalyp, osylaısha mundaı qylmystyń anyqtalýy men áshkerelenýi qoldan kóteriletin edi», - dedi Bas prokýrordyń orynbasary.

Onyń sózine qaraǵanda, qazirgi ýaqytta prokýrorlardyń aralasýynyń arqasynda málimetti qoldan kóbeıtý tyıylǵan.

«Osy tektes jaǵdaılar qylmystyq qýdalaý organdarynyń kórsetkishterine áser etetin para alýshylyqtyń jáne basqa da qylmystardyń anyqtalýymen baıqalatyn. Alaıda biz bul jaǵymsyz betalystyń da jolyn kestik», - dedi N.Isaev.