QR prokýratýra organdary bıyl 47 azamatqa qatysty negizsiz kúdikti alyp tastady

ASTANA. QazAqparat - QR prokýratýra organdarynyń qyzmetkerleri aǵymdaǵy jyly elimizdiń 47 azamatyna qatysty negizsiz kúdikti alyp tastady. Bul týraly búgin QR Bas prokýrorynyń orynbasary Nurmuhambet Isaev málim etti.

«Eger biz bir jerlerde tergeýshi durys jasamaǵanyn nemese qandaı da bir mańyzdy aıǵaqtardy kórmeı ketkenin kórsek, onda biz jazbasha nusqaý beremiz. Osy jyly onyń sany 18 myńnan asady», - dedi ol. Onyń sózine qaraǵanda, tergeý kóbinese tulǵany ustaýmen ushtasyp jatady. Máselen, buryndary prokýrorlar jyl saıyn myńnan asa azamattyń qyzmettik bólmelerde zańsyz ustalǵandyǵyn anyqtap kelgen. «Bul problemany sheshý úshin biz quqyq qorǵaý organdary ǵımaratyna jetkizilgenderdiń elektrondy esebin engizdik, bul ahýaldy jaqsy jaǵyna qaraı ózgertti. Mundaı eseptiń maǵynasy qarapaıym kelýshiniń polıtsııa organyna kirgen jáne shyqqan ýaqyty kompıýterge belgilenedi. Ustalǵannyń ǵımaratta 3 saǵattan astam protsestik rásimdeýsiz bolýy bizdiń talqylaýymyzdyń nysanasyna aınalady. 2014 jyldyń ózinde mundaı tulǵalar sany 459-ǵa deıin azaıǵan. Al bıylǵy jyly taǵy da eki ese tómendegen (403-ten 212-ge deıin, 47% azaıǵan). Budan basqa, prokýrorlar 47 azamattan negizsiz kúdikti alyp tastady. Ózderińiz túsinetindeı, olardyń árqaısysy úshin bul eseńgireý, moraldyq shyǵyn, búlingen abyroı jáne basqa da túrli saldarǵa ákeledi», - dedi N.Isaev.