QR Prezıdenttik ortalyǵynda Qazaqstan halqynyń birligi kúnine arnalǵan kórme ashyldy

<p>ASTANA. KAZINFORM &ndash; Búgin, 24 sáýirden bastap Qazaqstan Respýblıkasy Prezıdenti Іs basqarmasynyń Prezıdenttik ortalyǵynda Qazaqstan halqynyń birligi kúnine arnalǵan &laquo;Qazaqstan: halyq úndestigi&raquo; ýaqytsha taqyryptyq qor kórmesi usynylyp otyr. Bul týraly ortalyqtyń baspasóz qyzmeti málimdedi.</p>

1995 jyldyń 18 qazanynda Qazaqstan Respýblıkasy Prezıdentiniń jarlyǵy boıynsha 1 mamyr – Qazaqstan halqynyń birligi kúni dep jarııalandy. Kóptegen ulttyń ortaq shańyraǵyna aınalǵan Qazaqstan beıbitshilik pen kelisim arqyly álemge úlgi bolatyn dańǵyl joldy bastap keledi. Qazaqtyń baıtaq dalasy búginde 130-dan astam ult ókilderine ortaq otan bolyp tur. Etnıkalyq beıbitshilik pen kelisim saıasaty memlekettiń negizgi basymdyqtarynyń biri bolyp sanalady. 

Foto: QR Prezıdenttik ortalyǵy

Ashylǵan kórmeniń basty maqsaty – Prezıdenttik ortalyqtyń mýzeılik eksponattary arqyly turaqtylyqty nyǵaıtý, ultaralyq kelisim, mádenıetaralyq dıalogtyń qazaqstandyq úlgisiniń jetistikterin kórsetý.

Kórmede usynylǵan biregeı zattar Qazaqstan Respýblıkasynyń túrli etnostarynyń tarıhı ózara qarym-qatynasyn, olardyń yntymaqtastyǵy men mádenı qalyptasýyn ashady. 

Foto: QR Prezıdenttik ortalyǵy

Tájik qabyrǵa kilemi – sıýzane, túrikmen ulttyq papahasy nemese gúldermen kestelengen orys halyq rýshnıgi sekildi eksponattar arqyly kelýshiler túrikmen, ózbek, ázerbaıjan, belarýs, orys, koreı jáne basqa halyqtardyń ulttyq kıim, ydys-aıaq, kilem tarıhymen jaqynyraq tanysa alady. 

Foto: QR Prezıdenttik ortalyǵy

Kórmede Prezıdenttik ortalyqtyń kıimder, kilem jáne kıiz, jumsaq ınventar, kádesyılyq buıymdar, ydys-aıaq, beıneleý óneriniń týyndylary jáne materıaldyq mádenıet zattary toptamalarynan 200-den astam mýzeılik qundylyqtary usynylǵan. 

Foto: QR Prezıdenttik ortalyǵy

​Kórme 2024 jyldyń 10 mamyryna deıin jalǵasady.