QR Prezıdenttik mádenıet ortalyǵynda «Otan úshin otqa tús kúımeısiń» atty kórme ótti

STANA. Mamyrdyń 5-i. QazAqparat /Aıgúl Aıtmuqanova/ - QR Prezıdenttik mádenıet ortalyǵynda Uly Jeńistiń 65 jyldyǵyna arnalǵan «Otan úshin otqa tús kúımeısiń» atty kórme ótti, dep habarlaıdy QazAqparat.

«Jyl saıyn Jeńiske arnalǵan talaı ekspozıtsııalar ashylyp jatady. Búgingi kórmeniń bir ereksheligi, bul jerde buryn-sońdy kórsetilmegen eksponattar qoıylyp otyr. Kórmege qoıylǵan materıaldar arqyly soǵysqa, Uly Jeńiske Qazaqstannyń, sonyń ishinde qazaq halqynyń qosqan úlesin kórip-bilýge bolady», - deıdi QR Mádenıet mınıstrliginiń ókili Bazarbaı Altaev.

Kórmege armııa generaly Bahadúrbek Baıtasovtyń, Keńes Odaǵynyń Batyry, Halyq Qaharmany Saǵadat Nurmaǵambetovtyń, partızan-jazýshy Ádı Sháripovtyń, ushqysh Konstantın Grıaznovtyń jeke zattary, áskerı kıimderi qoıyldy. Sonymen qatar maıdannan kelgen hattar, maıdandyq qujattardyń túpnusqalary, jaýyngerlerdiń soǵysta paıdalanǵan ydystary kelýshiler nazaryna usynyldy.

Atalmysh sharaǵa UOS ardagerleri, QR mádenıet mınıstrliginiń ókilderi men Astana qalasynyń №40 jjáne №10 mektep oqýshylary qatysty.

«Jeńistiń 65 jyldyq mereıtoıy kúnnen kúnge jaqyndap kele jatyr. Bul jeńisti kórgender de bar, kórmegender de bar. Jastarǵa meniń aıtarym: keleshek senderdiń qoldaryńda.Osy beıbitshilikti, eldiń egemendigin saqtaı bilińizder, ilgeri apara berińizder» dedi soǵys ardageri Ahat Bekmadı.