QR Prezıdenttigine úmitker retinde taǵy 1 azamat ótinish berdi
1962 jyly dúnıege kelgen ol Astana qalasynda turady. Este bolsa, bul azamat 2011 jylǵy prezıdenttik saılaýǵa da qatysýǵa talpynǵan bolatyn. Ol kezde Q.Esjanov QR Prezıdenttigine úmitkelerdiń memlekettik tildi erkin meńgergendigin anyqtaý jónindegi lıngvıstıkalyq komıssııa synynan súringen edi.
Aıta keteıik, qazirgi ýaqytta úmitkerlerdiń sany 25 adamǵa jetti. Onyń 23-i saılaýǵa ózin-ózi usynǵandar, al ekeýin, atap aıtqanda, N.Nazarbaevty «Nur Otan» partııasy, al T.Syzdyqovty Qazaqstannyń kommýnıstik halyq partııasy usynǵan. Qazirgi ýaqytta olardyń saılaý talaptaryna sáıkestigi tekserilip, keıbiri lıngvıstıkalyq komıssııaǵa synaq tapsyrý ústinde. Máselen, 8 úmitkerdi tirkeýden bas tartyldy. Olardyń 2-eýiniń jasy Konstıtýtsııaǵa sáıkes saılaýǵa túsý jasyna tolmaǵan. 6-ýy lıngvıstıkalyq komıssııa synaǵyn tapsyra almady. 5 adam lıngvıstıkalyq komıssııa synaǵyn tapsyrdy. Olardyń saılaý talaptaryna sáıkestigi tekserildi. Olar qazirgi ýaqytta senimdi tulǵalaryn tirkep, qol jınaý jumysymen aınalysýda.