Prezıdenttiń tennıs oınap jatqan vıdeosy Qytaıda 1 mln ret qaraldy
Bıyl qarasha aıynyń basynda Memleket basshysy Frantsııaǵa memlekettik saparmen bardy. Osy kezeńde Frantsııa prezıdenti Emmanıýel Makron prezıdent Qasym-Jomart Toqaevtyń saparyn qarsy alý úshin memlekettik qabyldaý ótkizdi.
Saltanatty kesh sońynda Emmanıýel Makron Qasym-Jomart Toqaevqa ústel tennısinen Parıj Olımpıadasynyń qola júldegeri Aleksıs Lebrendi tanystyrdy.
Memleket basshysynyń Parıjde ústel tennısin oınap jatqany jaıynda túsirilgen bul vıdeo Kazinform-nyń «WeChat Video» platformasynda jarııalanǵannan keıin 1 mıllıonnan astam ret qaraldy.
Osy ýaqytqa deıin vıdeo 1,053 mıllıon ret qaralyp, 3023 «laık» pen júzdegen pikir jınaǵan.
Keıbir qytaılyq kórermender Qazaqstan Prezıdentiniń ústel tennısindegi sheberligi óte jaqsy jáne kásibı oıynshylarmen teń dárejede bolǵanyn aıtsa, oǵan basqalary Toqaevtyń bir kezderi Qytaıda jumys istegenin, sondyqtan onyń ústel tennısimen aınalysýy qalypty jaǵdaı ekenin atap ótti.
Ústel tennısi Qytaıda óte tanymal sport túri, tipti ony Qytaıdyń «ulttyq sporty» retinde sanaıdy.
Aıta keteıik, Toqaev Qazaqstan ústel tennısi federatsııasynyń tóraǵasy qyzmetin 13 jyl qatarynan atqarǵan.