QR Prezıdentiniń Іs basqarmasy úzdik shahmatshylardy anyqtady
Salaýatty ómir salty men belsendi demalysty nasıhattaý úshin jyl saıyn uıymdastyrylatyn dástúrli spartakıada aıasyndaǵy týrnırde Іs Basqarmasynyń ortalyq apparaty, Medıtsınalyq ortalyq, Materıaldyq-tehnıkalyq qamtamasyz etý basqarmasy, Memlekettik rezıdentsııalar dırektsııasy, QR Prezıdentiniń Ákimshiligi men Úkimetiniń ákimshilik ǵımarattary dırektsııasy, Avtosharýashylyq, «Búrkit» memlekettik avıakompanııasy, QR Prezıdentiniń Teleradıokesheni, Injenerlik-tehnıkalyq ortalyq, «Býrabaı» memlekettik ulttyq tabıǵı parki, «Astana-20» memlekettik qory, «Býrabaı-Damý» seriktestigi, Prezıdenttik ortalyq syndy mekemelerdiń qyzmetkerlerinen jasaqtalǵan 13 komanda baq synady. Ár komandada 2 oıynshydan bolǵanyn aıta keteıik.
Saıystyń saltanatty ashylý rásiminde sóz alǵan QR Prezıdenti Іs basqarmasy apparatynyń basshysy Serik Kenjebaev:
– Shahmat – aqyl-oıdy damytatyn sport. Shapshańdyq pen shydamdylyqqa, analıtıkalyq oılaýǵa tárbıeleıtin, logıkalyq qabiletti damytatyn oıyn. Barshańyzǵa ádil oıynda jarqyn jeńis pen sáttilik tileımin, - dedi.
Tartysty ótken básekede Injenerlik-tehnıkalyq ortalyq komandasy qarsylas shaq keltirmeı, bas báıgeni jeńip aldy.
Ekinshi oryndy «Býrabaı» ulttyq parkiniń qyzmetkerlerinen jasaqtalǵan komanda ıelendi. Prezıdent Іs basqarmasynyń Ortalyq apparatynyń komandasy júldeli úshinshi orynǵa qol jetkizdi.
Saıys qorytyndysy boıynsha Ortalyq apparat komandasynyń múshesi Mereke Tutanov pen Injenerlik-tehnıkalyq ortalyqtyń qyzmetkeri Salım Orazaev týrnırdiń «Úzdik oıynshysy» atalymdaryn jeńip aldy.
Jeńimpazdar men júldegerlerge arnaıy kýbok pen medaldar, tıisti dıplomdar tapsyryldy.
QR Prezıdentiniń Іs basqarmasy júıesindegi spartakıada aıasynda buǵan deıin toǵyzqumalaqtan jarys ótkenin aıta keteıik. Qatysýshylar jyl sońyna deıin ústel tennısinen, shaǵyn fýtbol, voleıbol, qazaq kúresi, bılıard syndy sport túrlerinen saıysady.