QR Prezıdentiniń Іs basqarmasy: Ardagerlerge qamqorlyq jasaý — qurmet pen tarıhqa izet
Pavlodar oblysy Baıanaýyl aýylynda turatyn soǵys ardageri Qaıyr Hasenovti «Qazqurylysjúıesi» JShS qyzmetkerleri quttyqtady.
Bas dırektory Artem Tonenchýktyń basshylyǵymen ardagerdiń úıine baryp, Qaıyr Hasenovke shaıǵa jemister men táttiler sebetin syılady, sonymen qatar, qomaqty syılyq retinde úıden joǵary bilikti medıtsınalyq tekserý uıymdastyrdy.
Medıtsınalyq ortalyq aýrýhanasy QR PІB áriptesteriniń bastamasyn qoldap, dáriger-terapevt Jasulan Mergenbaevty ardagerdiń densaýlyǵyn tekserýge jiberdi.
Sondaı-aq, «Qazqurylysjúıesi» ujymy ardagerge densaýlyǵyn durystaý úshin qajetti rásimder men saýyqtyrý massajy kýrsyna tólemaqy jasaýǵa materıaldyq kómek kórsetti.
Qaıyr Hasenov qamqorlyq pen kóńil bólýge qatty qýandy, qonaqtardy jyly qarsy alyp, óziniń ómiri men maıdan jyldary týraly áńgimelep berdi jáne Jeńis kúniniń mereıtoılyq merekesin asyǵa kútetindigi týraly aıtty.
«QR Prezıdenti jáne Úkimeti ákimshiliginiń ákimshilik ǵımarattar dırektsııasy» RMK Almaty fılıalynyń ókilderi de fılıal dırektory Azız Bekbosynovtyń basshylyǵymen soǵys ardagerleri: Vasılıı Shıpılov, Zýlqarnaı Seıitov, Olga Savenko jáne Tatıana Alekseenkonyń úılerine baryp, hal-jaǵdaılaryn bildi.
Іs-sharany Almaly ákimdiginiń áleýmettik qyzmetkerlerimen jáne «Uly Otan soǵysy ardagerleriniń, tyl eńbekkerleriniń jáne soǵys balalarynyń keńesi» qoǵamdyq qorymen birlesip júzege asyrdy.
Aldaǵy merekemen quttyqtaýmen qatar, ardagerlerge: azyq — túlik sebetteri, jyly kıimder men tósek-oryn jabdyqtary-kórpeler men jastyqtardan turatyn syılyqtar tabystaldy.
Beıbitshilik pen bostandyq úshin óz kúshterin jumsaǵan jandarǵa qamqorlyq kórsetý QR Prezıdenti Іs basqarmasynyń mıssııasynyń mańyzdy bóligi bolyp qala beredi. Mundaı bastamalar urpaqtar sabaqtastyǵyn nyǵaıtady jáne otandastarymyzdyń erlikteriniń eshqashan umytylmaıtynyn eske salady, dep atap ótti QR Prezıdentiniń Іs basqarmasynda.