QR Prezıdentine birqatar shet memleketterdiń basshylary kóńil aıtty

<p>Qazaqstan Prezıdentiniń atyna Qaraǵandy oblysyndaǵy ken ornynda bolǵan apat saldarynan kóptegen adamnyń qaza tabýyna baılanysty shet memleketterdiń basshylarynan jáne halyqaralyq uıymdardyń jetekshilerinen kóńil aıtý jedelhattary kelip túsýde. Sondaı-aq memleketter basshylary telefon arqyly da kóńil aıtyp jatyr. Olar qaza tapqan kenshilerdiń otbasylarynyń qaıǵysyna ortaqtasyp, kóńil aıtqan jáne zardap shekkenderdiń tezirek saýyǵyp ketýine tilektestik bildirgen, dep habarlaıdy <a href="https://kaz.inform.kz/" target="_blank" rel="noopener">Kazinform</a>&nbsp;Aqordanyń baspasóz qyzmetine silteme jasap.&nbsp;</p>

Sonyń ishinde Ózbekstan Prezıdenti Shavkat Mırzıeev pen Qyrǵyzstan Prezıdenti Sadyr Japarov telefon arqyly kóńil aıtty jáne jedelhattaryn da joldady.

Qaraǵandy oblysyndaǵy Kostenko atyndaǵy shahtada bolǵan apat saldarynan qaza tapqan kenshilerdiń otbasylary men jaqyndaryna ózderiniń kóńil aıtý jedelhattaryn Reseı Prezıdenti Vladımır Pýtın, Frantsııa Prezıdenti Emmanıýel Makron, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Túrikmenstan Halk Maslahatynyń tóraǵasy Gýrbangýly Berdimuhamedov, Ázerbaıjan Prezıdenti Ilham Álıev, Belarýs Prezıdenti Aleksandr Lýkashenko, Armenııa Premer-mınıstri Nıkol Pashınıan, Tatarstan Raısy Rýstam Mınnıhanov, DDU Bas dırektory Tedros Adhanom Gebreıesýs, TÚRKSOI-dyń Bas hatshysy Sultan Raev jáne basqalar joldady.