QR Prezıdentiniń janyndaǵy Memlekettik basqarý akademııasy EYDU basqarý mektepteriniń jahandyq jelisine endi
Іs-shara barysynda basty taqyryp - «Álemdik deńgeıdegi memlekettik qyzmetke arnalǵan daǵdylar» talqylandy jáne oǵan EYDU qatysýshy elderi úkimetteriniń ókilderi, halyqaralyq jáne ulttyq memlekettik basqarý mektepteriniń, qaýymdastyqtar men qoǵamdastyqtardyń ókilderi, EYDU Hatshylyǵynyń músheleri jáne basqalar qatysty. EYDU bas hatshysynyń orynbasary Marı Kıvınıemıdiń, Slovenııanyń vıtse-premer-mınıstri jáne memlekettik basqarý mınıstri Borıs Koprıvnıkardyń, sondaı-aq Ulybrıtanııanyń memlekettik qyzmet dırektorynyń orynbasary Stıýart Bennettiń baıandamalary jınalys qatysýshylarynyń erekshe nazaryn aýdardy.
Memlekettik qyzmetti jańǵyrtý, memlekettik reformalardy iske asyrýdyń halyqaralyq tájirıbesi, memlekettik qyzmetshilerdi oqytý tehnologııasy men ádisnamasyn jetildirý, EYDU-nyń atalǵan salada ınnovatsııalardy ilgeriletýdegi róli sekildi mańyzdy máseleler talqylandy.
Akademııa rektory Bolatbek Abdrasılov «Basqarý mektepteri memlekettik qyzmetti álemdik deńgeıde qalyptastyrýdaǵy áriptes retinde» taqyrybyndaǵy sessııada baıandama jasap, Akademııanyń oqý-ádistemelik jáne ǵylymı qyzmetin jańǵyrtý tájirıbesimen, atap aıtqanda memlekettik qyzmetshilerdi oqytýdyń quzyrettilik tásilge negizdelgen, praktıkaǵa baǵdarlanǵan jańa baǵdarlamalaryn ázirleý, memlekettik organdardyń qyzmetin jetildirýge baǵdarlanǵan qazirgi zamanǵy ǵylymı zertteýlerdi uıymdastyrý tájirıbesimen bólisti.
Bul ádis-tásilder Eýropalyq Odaqtyń QR-daǵy Jobasynyń qoldaýymen jáne EYDU qatysýshy elderiniń álemdik jetekshi mektepterimen jáne ýnıversıtetterimen birlesip iske asyryldy.
Qatysýshylardyń nazaryna Akademııanyń FEI, Dıýk (AQSh), Oksford (Ulybrıtanııa), ENA, Sorbonna (Frantsııa), DBB Akademııasy, Shpaıer Ýnıversıteti (Germanııa), COTI (Koreıa) jetekshi ortalyqtarymen birlesken halyqaralyq jobalardy iske asyrý tájirıbesi usynyldy, bul tájirıbe memlekettik qyzmetshilerdi oqytýdyń magıstrlik jáne doktorlyq baǵdarlamalaryn, biliktilikti arttyrý jáne qaıta daıarlaý kýrstaryn qazirgi zamanǵy talaptarǵa saı ázirleýge múmkindik berdi.
Qazaqstan Respýblıkasynyń Prezıdenti Nursultan Nazarbaevtyń joǵary kásibı, derbes memlekettik apparatty qalyptastyrý boıynsha «100 naqty qadam» baǵdarlamasy sheńberinde elimizde qabyldanatyn is-sharalar týraly aqparattar qatysýshylardyń úlken qyzyǵýshylyǵyn týdyrdy.
Atalǵan is-sharada Qazaqstan Respýblıkasy Prezıdentiniń janyndaǵy Memlekettik basqarý akademııasy EYDU basqarý mektepteriniń jahandyq jelisine resmı túrde múshe bolyp qabyldandy. Bul uıymǵa múshe bolý memlekettik qyzmetshilerdi oqytý ádisterin úzdik eýropalyq standarttar deńgeıine jetkizýge, sondaı-aq memlekettik qyzmet modelin álemdik deńgeıde jetildirý boıynsha usynystar ázirleý úshin EYDU alańyndaǵy talqylaýlarǵa Akademııanyń belsene qatysýyna járdemdesetin bolady.
Akademııanyń bul jetistigi Memleket basshysy Nursultan Nazarbaevtyń bes ınstıtýtsıonaldyq reformasy sheńberinde júzege asyrylatyn is-sharalardyń durystyǵyn dáleldeıdi jáne Prezıdenttiń Qazaqstanǵa EYDU qaǵıdattary men standarttaryn engizý boıynsha alǵa qoıǵan mindetterin oryndaýǵa Akademııa ujymynyń qosqan naqty úlesi bolyp tabylady.