QR Prezıdentiniń jańa reformalary Frantsııanyń qoǵamdyq-saıası toptarynyń nazarynda

PARIJ. QazAqparat - Prezıdent Qasym-Jomart Toqaevtyń Qazaqstan halqyna Joldaýy Frantsııanyń qoǵamdyq-saıası jáne sarapshylar toptarynyń nazarynan tys qalǵan joq, dep habarlaıdy QazAqparat QR SІM baspasóz qyzmetine silteme jasap.

Osy rette, frantsýz senatory, «Frantsııa - Ortalyq Azııa» parlamentaralyq dostyq tobynyń tóraǵasy Erve More QR Prezıdentine «Qazaqstandy jańǵyrtý jáne demokratııalandyrý, ekonomıkalyq yryqtandyrý jáne ashyqtyq úshin ınstıtýtsıonaldyq reformalar paıdasyna jasalǵan is-qımylda» qoldaý bildirdi. Frantsýz saıasatkeri «Parlament róliniń kúsheıýin jáne adam quqyqtaryn odan ári qurmetteýge umtylýdy» erekshe atap, bul qazaqstandyq azamattardyń kútkenine jaýap bolyp tabylady», deıdi.

Óz kezeginde, «Frantsııa-Qazaqstan» parlamentaralyq dostyq tobynyń tóraǵasy, Ulttyq assambleıanyń depýtaty Per Kabare Frantsııanyń strategııalyq seriktesi bolyp tabylatyn Qazaqstandy jańǵyrtý jáne nyǵaıtý jónindegi Memleket basshysynyń kúsh-jigerin quptady. «Búgin biz QR Prezıdenti 2019 jyly saılanǵannan keıin engizgen «Halyq únine qulaq asatyn memleket» tujyrymdamasyn iske asyrýdyń nátıjelerin kórip otyrmyz. Kúrdeli jáne qaıǵyly kezeńnen aman ótken halyqtyń úmitteri eskerilip, tıisti sharalar birtindep júzege asyrylýda», - dedi ol.

«Shýazel» ınstıtýtynyń prezıdenti Paskal Loro óz hatynda saıası reformalardyń basymdyǵyn durys dep sanaıdy, bul Parlamenttiń kúsheıtilgen rólinde, saılaý protsesiniń transparenttiliginde jáne azamattyq qoǵam ınstıtýttaryn nyǵaıtýda kórinis tabady.

QR Prezıdentiniń Joldaýyna qatysty óz oıyn aıta otyryp, Ekonomıkalyq yntymaqtastyq jáne damý uıymynyń Jahandyq qatynastar hatshylyǵynyń Eýrazııalyq bólimshesiniń basshysy Ýılıam Tomson qazaqstandyq kóshbasshynyń qurylymdyq reformalarǵa, sondaı-aq adal jáne ashyq básekelestikke, ekonomıkada da, saıasatta da jasandy monopolııalardy joıýǵa beıildiligin quptady.

Frantsýz jazýshysy, quqyq qorǵaýshy, halyqtar men dinder arasyndaǵy beıbitshilik pen dıalogty jaqtaıtyn iri qoǵam qaıratkeri Marek Halter «Jańa Qazaqstannyń» saıası yryqtandyrý jáne úzdiksiz demokratııalandyrý jolyndaǵy ilgerileýin de qoldady.

Televızııalyq baǵdarlamalardyń turaqty qonaǵy, frantsýz saıasattanýshysy Jan-Krıstof Galen Qazaqstandaǵy oń ózgeristerge úlken qyzyǵýshylyq tanytady. Ol Qazaqstan tepe-teńdik ortalyqtarynyń biri, sondyqtan halyqaralyq qaqtyǵystardy retteýde oǵan jat emes medıator rólin atqara alady jáne atqarýǵa tıis dep esepteıdi.

Sonymen qatar, frantsýzdyq BAQ-tary da Q.Toqaevtyń reformalardyń mańyzdylyǵyna erekshe nazar aýdardy.