QR Prezıdentiniń Ulttyq Keńes barysynda kótergen bastamasy júzege asty - Qarın

NUR-SULTAN. QazAqparat - Búgin Prezıdent Qasym-Jomart Toqaev «Ólim jazasynyń kúshin joıýǵa baǵyttalǵan Azamattyq jáne saıası quqyqtar týraly halyqaralyq paktige Ekinshi Fakýltatıvtik Hattamany ratıfıkatsııalaý týraly» Qazaqstan Respýblıkasynyń Zańyna qol qoıdy.

Bul týraly Qazaqstan Respýblıkasy Prezıdentiniń kómekshisi Qarın Erlan Telegram paraqshasyna jazdy, dep habarlaıdy QazAqparat tilshisi.

«Osylaısha, Memleket basshysynyń azamattyq jáne saıası quqyqtar týraly Halyqaralyq paktiniń ekinshi Halyqaralyq hattamasyna qosylý týraly 2019 jyldyń jeltoqsanynda kótergen bastamasy túpkilikti júzege asyryldy. Atalǵan bastama, prezıdenttiń saıası reformalar paketiniń bir bóligi bolatyn. Men atalmysh qujatqa qosylýǵa úles qosqan quqyq qorǵaýshylar men Ulttyq qoǵamdyq senim keńesiniń múshelerin osy bastamanyń túbegeıli júzege asýymen quttyqtaımyn. Bul bizdiń elmizdegi tıimdi qoǵamdyq dıalogtyń taǵy bir mysaly. Alda bizde Ulttyq keńes barysynda kóterilgen ózge de bastamalar kútip tur. Búgingi tańda BUU-ǵa múshe 193 memlekettiń 88-i ólim jazasyn joıýǵa baǵyttalǵan azamattyq jáne saıası quqyqtar týraly Halyqaralyq paktiniń ekinshi Halyqaralyq hattamasynyń qatysýshysy bolyp tabylady»,-dep jazdy Qarın.