QR Prezıdentiniń dombyra tartqan sátteriniń vıdeosy jarııalandy

ASTANA. QazAqparat - QR Prezıdentiniń teleradıo kesheni Elbasy Nursultan Nazarbaevtyń qolyna dombyra alǵan sátterinen quralǵan vıdeony jarııalady, dep habarlaıdy QazAqparat tilshisi.

«Prezıdent qolyna qansha ret dombyra aldy? Sanap jibereıik», - delingen Instagramda teleradıo kesheniniń jarııa etken beınerolıginde. 

Esterińizge sala keteıik, búgin Astanada Elbasy 2 myńnan astam dombyrashynyń ónerin tamashalady. 

N. Nazarbaev tyńdaýshysyn jigerlendiretin tókpe kúıler men syrshyl shertpe kúıler qazaqtyń tabıǵatyn tanytatynyn atap ótti.

«Qasterli aspap búginde sımfonııa men operaǵa ár berip, klassıkalyq ónerdiń ajyramas bólshegine aınalyp keledi. Ol  - qazaqtyń brendi men pasporty, eshkimge uqsamaıtyn qaıtalanbas kelbeti», - dedi Elbasy.