QR Prezıdentiniń arnaýly ókili Erjan Qazyhan EQYU-nyń BAQ erkindigi jónindegi ókilimen kezdesti

NUR-SULTAN. QazAqparat - Qazaqstan Respýblıkasy Prezıdentiniń halyqaralyq yntymaqtastyq jónindegi arnaýly ókili Erjan Qazyhan Qazaqstanǵa alǵash ret saparmen kelgen EQYU-nyń BAQ erkindigi jónindegi ókili Tereza Rıbeıromen kezdesý ótkizdi, dep habarlaıdy QazAqparat Aqordaǵa silteme jasap.

Kezdesý barysynda arnaýly ókil Memleket basshysynyń bastamasy boıynsha saıası jáne áleýmettik-ekonomıkalyq salada júrgizilip jatqan reformalar men eldiń turaqty damýynyń basymdyqtary týraly aıtty.

Tereza Rıbeıro Prezıdent Qasym-Jomart Toqaevtyń BAQ erkindigi, azamattyq qoǵamdy qoldaý, sot reformasy, áıelder men múgedekterdiń quqyqtaryn ilgeriletý jónindegi júrgizip jatqan saıasatyn joǵary baǵalady.

Qazaqstan men EQYU arasyndaǵy seriktestik qatynastar jaqsy damyp keledi, sondaı-aq, saıası, ekonomıkalyq jáne gýmanıtarlyq salalar boıynsha yntymaqtastyqtyń jańa baǵyttary qalyptasýda.