QR Prezıdentiniń AQSh-qa sapary Qazaqstan dıplomatııasynyń tıimdiligin kórsetedi -BUU ókili

NЬıÝ-IORK. QazAqparat - Nursultan Nazarbaevtyń AQSh-qa sapary Qazaqstan dıplomatııasynyń beıbit te pragmatıkalyq jaqtaryn kórsetti. Bul týraly «QazAqparat» HAA-niń AQSh-taǵy arnaıy tilshisine bergen suhbatynda Science Po Frantsııa saıası zertteýler ınstıtýtynyń professory BUU sarapshysy Shahrbaný Tadjbaksh (Shahrbanu Tajbakhsh) bildirdi.

«Qazaqstan Prezıdenti Nursultan Nazarbaevtyń AQSh-qa sapary mańyzdy ári qazaqstandyq dıplomatııanyń beıbit te pragmatıkalyq jaqtaryn aıqyndaıdy. Qazaqstan Reseı, Qytaı sııaqty Shanhaı yntymaqtastyǵy uıymyna múshe memleketterdiń, AQSh pen Eýropalyq Odaq sııaqty memleketter men uıymdardyń jáne Islam yntymaqtastyǵy uıymy sııaqty halyqaralyq dárejedegi uıymdardyń múddeleri toǵysyp jatatyn qurylymdar men dıalog alańdarynyń qatysýshysy retinde kópke tanymal»,-dedi ol.

Sarapshynyń pikirinshe, Qazaqstan kóptegen halyqaralyq máselelerdiń sheshimin tabýda kóregendik tanytyp júr.

«Qazaqstan Prezıdenti Nursultan Nazarbaevtyń AQSh-qa sapary krossóńirlik jáne krossektorlyq qaýipsizdik pen dıplomatııa men Aýǵanstandaǵy jaǵdaıdy retteýde beıbit yntymaqtastyqtyń damýyna serpin berdi»,-naqtylap ótti Sh.Tadjbaksh..