QR Prezıdentin ulyqtaý Qazaqstan damýynyń jańa kezeńine aınaldy - L.Prokopenko
«Ulyqtaý aqıqat sátine jáne Qazaqstannyń táýelsiz tarıhy eseptelýiniń jańa núktesine, onyń damýynyń jańa kezeńine aınaldy. Búgingi kúni bizdiń qoǵamda oryn alyp jatqan barlyq ózgeristerdiń Assambleıa jylynda ótýiniń nyshandyq máni bar ári Prezıdent usynǵan reformalardyń negizgi úsh blogyn tuıyqtaıdy. Olar: «Nurly jol» jańa ekonomıkalyq saıasaty, ınstıtýtsıonaldy reformalar jáne «Máńgilik el» jalpyulttyq ıdeıasy. Munyń barlyǵy da qazirgi geosaıası ózgerister, qarjylyq daǵdarys jáne búgingi tańda búkil álemde oryn alyp otyrǵan saıası turaqsyzdyq jaǵdaıynda Qazaqstannyń damýdyń jańa kezeńine ótýin, álemniń barynsha damyǵan 30 eliniń qataryna qosylýyn kózdeıdi», - dedi L.Prokopenko.
Osy rette ol QR Prezıdentiniń beıbitshilik pen kelisim saıasatynyń qoǵamdy, halyqty uıystyratyn biregeı shara ekendigin basa atap ótti. Sonymen qatar hatshylyq meńgerýshisi QR Prezıdenti ulyqtaý rásiminde «Memlekettik qurylystyń odan arǵy 100 naqty qadamy» atty Ult Josparyn jarııa etkenin eske saldy.
«Bul jospar bizdiń ómirimizdi jan-jaqty qamtıtyn bolady. Ony bizdiń halqymyz beıbitshilik pen kelisimdi tolyq saqtaǵanda ǵana júzege asyra alatyndyǵyna senimdimin», - dedi ol.