QR Prezıdenti Joǵarǵy Eýrazııalyq ekonomıkalyq keńestiń otyrysyna qatysýda
21:59, 11 Qazan 2017
SOChI. QazAqparat - Sochıde ótip jatqan Joǵarǵy Eýrazııalyq ekonomıkalyq keńestiń otyrysynda Eýrazııalyq ekonomıkalyq odaqqa múshe elderdiń prezıdentteri EAEO aıasyndaǵy kópjaqty yntymaqtastyqty jáne Odaq qyzmetine qatysty aǵymdaǵy máselelerdi talqylap jatyr.
Kún tártibine 18 másele shyǵarylǵan. Onyń 7-eýi shaǵyn quramda talqylanady.
Atap ótken jón, EAEO aıasynda baqylaýshy memleket statýsyna qatysty másele osy tizimniń eń mańyzdy bóligi sanalady. Bul máseleni talqylaý barysynda memleket basshylary baqylaýshy memleket statýsyn alý tártibin jáne EAEO organdary jumysyna baqylaýshy memleketter ókilderiniń qatysý formatyn anyqtaıdy.
Sondaı-aq, otyrys aıasynda EAEO-nyń 2018 jylǵy halyqaralyq qyzmetteriniń negizgi baǵyttary bekitiledi.