QR Prezıdenti Jarlyǵymen ǵylym jónindegi ulttyq baıandamany daıyndaý qaǵıdalary ózgerdi
«Ǵylym jónindegi jyl saıynǵy ulttyq baıandamany daıyndaý qaǵıdalaryn bekitý týraly» Qazaqstan Respýblıkasy Prezıdentiniń 2012 jylǵy 21 tamyzdaǵy № 369 Jarlyǵyna ózgerister engizý týraly
QAÝLY ETEMІN:
1. «Ǵylym jónindegi jyl saıynǵy ulttyq baıandamany daıyndaý qaǵıdalaryn bekitý týraly» Qazaqstan Respýblıkasy Prezıdentiniń 2012 jylǵy 21 tamyzdaǵy №369 Jarlyǵyna (Qazaqstan Respýblıkasynyń PÚAJ-y, 2012 j., № 67, 952-qujat) mynadaı ózgerister engizilsin:
joǵaryda atalǵan Jarlyqpen bekitilgen Ǵylym jónindegi jyl saıynǵy ulttyq baıandamany daıyndaý qaǵıdalarynda:
1-tarmaq mynadaı redaktsııada jazylsyn:
«1. Osy Ǵylym jónindegi jyl saıynǵy ulttyq baıandamany daıyndaý kaǵıdalary álemdik jáne ulttyq ǵylymnyń jaı-kúıi men damý úrdisterin taldaýdy, Qazaqstan Respýblıkasynyń ǵylymı-tehnıkalyq áleýetin jetildirý jónindegi usynystardy, ǵylym damýynyń basym baǵyttarynyń negizdemesin jáne ony tanymal etýdi qamtıtyn Ǵylym jónindegi ulttyq baıandamany (budan ári - Ulttyq baıandama) daıyndaý jáne basyp shyǵarý maqsatynda ázirlendi.»;
5, 6, 7-tarmaqtar mynadaı redaktsııada jazylsyn:
«5. Ulttyq baıandama jyl saıyn 10 tamyzdan keshiktirilmeı Qazaqstan Respýblıkasy Úkimetiniń janyndaǵy Joǵary ǵylymı-tehnıkalyq komıssııanyń qaraýyna engiziledi.
6. Qazaqstan Respýblıkasynyń Úkimeti Qazaqstan Respýblıkasy Úkimetiniń janyndaǵy Joǵary ǵylymı-tehnıkalyq komıssııanyń usynymy negizinde 10 qazannan keshiktirmeı Ulttyq baıandamany Qazaqstan Respýblıkasynyń Prezıdentine engizedi.
7. Ulttyq baıandamany memlekettik tilde jáne orys tilinde basyp shyǵarý ony Qazaqstan Respýblıkasynyń Prezıdenti maquldaǵannan keıin júzege asyrylady. Ulttyq baıandamanyń aǵylshyn tilindegi elektrondyq nusqasy Qazaqstan Respýblıkasynyń Bilim jáne ǵylym mınıstrligi Ǵylym komıtetiniń ınternet-resýrsynda ornalastyrylady.».
2. Osy Jarlyq alǵashqy resmı jarııalanǵan kúninen bastap qoldanysqa engiziledi.