QR Prezıdenti janyndaǵy OKQ resmı ókili A.Ábıbýllaevtyń Baıqońyr boıynsha BAQ-taǵy sońǵy jarııalanymdarǵa qatysty túsiniktemesi
«Eń aldymen, bizdiń elderimiz arasyndaǵy qatynastar strategııalyq áriptestik, tatý kórshilik, odaqtastyq jáne dostyq ráýishte damyp kele jatqanyn atap kórsetkim keledi», dep atap ótti A.Ábıbýllaev.
«2012 jylǵy 19 jeltoqsanda Máskeýde EýrAzEQ memleketaralyq keńesi men UQShU ujymdyq qaýipsizdik keńesiniń sessııasy otyrystarynyń aýqymyndaǵy ekijaqty kezdesýlerdiń barysynda bizdiń memleketterimizdiń basshylary ekijaqty yntymaqtastyqtyń ózekti máselelerin, sonyń ishinde Baıqońyr keshenin odan ári birlese paıdalanýdy talqylady.
Ǵarysh salasyndaǵy yntymaqtastyqtyń kópjyldyq tájirıbesine qanaǵattanatynyn bildire otyryp, Memleketter basshylary Baıqońyr keshenin birlese paıdalanýdyń normatıvtik-quqyqtyq bazasyn jetildirý jónindegi ýaǵdalastyqqa qol jetkizdi jáne eki eldiń ǵarysh vedomstvolaryna ǵarysh aılaǵyn birlese paıdalanýdyń tártibin retteıtin, onyń ǵylymı-tehnıkalyq áleýetin damytý, birlesken zymyran keshenderin qurý, kadrlar daıarlaý jáne qazaqstandyq mamandardyń ushyrý qyzmetterine qatysýy boıynsha jan-jaqty qamtıtyn ekijaqty kelisim jasaýdy tapsyrdy.
Sizderge belgili, Qazaqstannyń Baıqońyr boıynsha resmı ustanymyn 2012 jylǵy jeltoqsanda QR syrtqy ister mınıstri Erlan Ydyrysov ta málim etti».
Eske sala keteıik, birqatar BAQ jaqynda 2012 jyldyń sońynda reseı taraby Qazaqstan Úkimetine Qazaq ǵarysh agenttiginiń basshysy Talǵat Musabaevtyń qazaqstandyq Parlamentte «Qazaqstan reseılik «Proton-M» zymyran tasyǵyshtaryn ushyrý sanyn qysqartýǵa kirisedi» degen sózi boıynsha túsinikteme berýdi talap etken resmı nota joldady jáne ol Reseıdi «Báıterek» ǵaryshtyq zymyran keshenin jasaý týraly shartty oryndamaı otyrǵanyna aıyptady, sondaı-aq Baıqońyr ǵarysh aılaǵyn jalǵa berý jóninde jańa kelisim jasalýy tıis» degen pikirin bildirdi, dep habarlaǵan bolatyn.