QR Prezıdenti janyndaǵy Adam quqyqtary jónindegi komıssııa elordadaǵy № 4 emhananyń jumysymen tanysty
Astana turǵyndary ambýlatorlyq túrde em qabyldaıtyn emhanaǵa barýdyń negizgi maqsaty - jalpy emdeý mekemesiniń jaǵdaıymen, azamattardyń Qazaqstan Respýblıkasynyń Konstıtýtsııasy men «Halyqtyń densaýlyǵy jáne densaýlyq saqtaý júıesi týraly» Kodeksinde, Qazaqstan ratıfıkatsııalaǵan Ekonomıkalyq, áleýmettik jáne mádenı quqyqtar týraly halyqaralyq paktide kepildik berilgen quqyqtarynyń saqtalýymen tanysý boldy.
Elbasy janyndaǵy Adam quqyqtary jónindegi komıssııa músheleri dárigerlermen jáne patsıenttermen áńgimelesý barysynda azamattardyń densaýlyǵyn qorǵaýǵa jáne bilikti ári qoljetimdi medıtsınalyq kómek alý jaǵdaıyna jete kóńil bóldi. Sondaı-aq olardyń konstıtýtsııalyq quqyqtaryn qamtamasyz etý, dárigerler men basqa da medıtsınalyq qyzmetkerlerdiń áleýmettik-quqyqtyq qorǵalýy, olardyń EýroOdaq elderinde jáne álemniń basqa da damyǵan elderinde biliktilikterin kóterý máseleleri qozǵaldy.
Sapar barysynda komıssııa músheleri Astana qalalyq Densaýlyq saqtaý basqarmasyna atalǵan emhananyń oń jumys tájirıbesin elordanyń jáne elimizdiń basqa da emdeý mekemelerine taratýdy usyndy.
Bul saparda jınalǵan materıaldar Komıssııanyń Elbasynyń qaraýyna usynatyn «Qazaqstan Respýblıkasyndaǵy adam quqyqtarynyń ahýaly týraly» baıandamasynyń «Azamattardyń densaýlyǵyn qorǵaýǵa jáne bilikti medıtsınalyq kómek alýǵa konstıtýtsııalyq quqyqtary» bólimine engiziletin bolady.
Іs-shara Qazaqstan Respýblıkasy Prezıdentiniń janyndaǵy Adam quqyqtary jónindegi komıssııanyń 2014 jylǵa arnalǵan jumys josparyna sáıkes júrgizildi.