QR Prezıdenti: Jańa tehnologııalar adam ómirin túbegeıli ózgertti

NUR-SULTAN. QazAqparat – Jańa tehnologııalar adam ómirin túbegeıli ózgertti. Bul týraly QR Prezıdenti Qasym-Jomart Toqaev Álemdik jáne dástúrli dinder lıderleriniń VII sezinde aıtty, dep habarlaıdy QazAqparat tilshisi.

«Tsıfrlyq dáýirde ómir súrip jatqandyqtan izgilik pen máńgilik rýhanı qundylyq ıdeıalaryn júıeli túrde ilgerletýimiz qajet. Jańa tehnologııalar adam ómirin qalaı túbegeıli ózgertetindigin kórip otyrmyz. Pandemııa bul protsesti jeteldetip, tereńdete tústi. Tsıfrlyq kommýnıkatsııa, ınternet, áleýmettik jeliler álemniń barlyq óńirindegi adamdar arasyndaǵy shekarany joıyp, mańyzdy rólge ıe bolyp otyr», - dedi Qasym-Jomart Toqaev.

Degenmen, Memleket basshysy osynaý oń elementtermen qatar qoǵam tsıfrlyq tehnologııalardyń áserinen jiktele túskendigine nazar aýdartty.

«Ókinishke oraı, kópshilik úshin tsıfrlyq álem qazirdiń ózinde shynaıy ómirdiń ornyn basyp ketti», - dedi QR Prezıdenti.