QR Prezıdenti Uly túrkiler bilim berý qoryn qurýdy usyndy

NUR-SULTAN. QazAqparat – Qazaqstan baýyrlas elderdiń jastaryna 50 grant bólýge daıyn. Bul týraly Túrki tildes memleketterdiń yntymaqtastyq keńesiniń beıresmı sammıti barysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Bilim berý salasyndaǵy yntymaqtastyq - bolashaqtaǵy tabysty seriktestiktiń negizgi faktory. Osy rette ortaq mádenı-aǵartýshylyq keńistik qalyptastyrǵan jón. Sol arqyly jastardyń zaman talabyna beıimdelýine jol ashylady. Ony Uly túrkiler bilim berý qoryn qurý arqyly júzege asyrýǵa bolar edi», - dedi Memleket basshysy.

QR Prezıdentiniń atap ótýinshe, qor ýnıversıtetter arasynda akademııalyq utqyrlyq, taǵlymdamadan ótý, biliktilikti arttyrý isin úılestiredi.

«Biz baýyrlas elderdiń jastaryna Qoja Ahmet ıAsaýı atyndaǵy Halyqaralyq qazaq-túrik ýnıversıtetinde bakalavrıat baǵdarlamasy boıynsha oqý úshin 50 grant bólýge daıynbyz», - dedi Qasym-Jomart Toqaev.