QR Prezıdenti: Úlken úmittiń údesinen shyǵý úshin qajyr-qaıratymdy jumsaımyn
«Elimizdiń jan-jaqty damýy turǵysynda QR Tuńǵysh Prezıdenti - Elbasynyń strategııalyq baǵdaryn jalǵastyrý úshin men saılaýǵa qatysamyn», - dedi Memleket basshysy.
Sonymen qatar, QR Prezıdenti berilgen senimge jaýapkershilikpen qaraıtynyn atap ótti.
«Qazaqstan Prezıdenttigine úmitker etip usynǵan Elbasyǵa shyn júrekten alǵys aıtamyn. Memleketimizdiń negizin qalaǵan Uly tulǵanyń maǵan artqan jaýapkershilik júgin búkil bolmysymmen sezinemin. Sondyqtan senimge sert berip, úlken úmittiń údesinen shyǵý úshin bar qajyr-qaıratymdy jumsaımyn», - dedi Qasym-Jomart Toqaev.
Budan buryn habarlanǵandaı, QR Tuńǵysh Prezıdenti-Elbasy, «Nur Otan» partııasynyń Tóraǵasy Nursultan Nazarbaevtyń jetekshiligimen partııanyń kezekten tys HІH sezi ótip jatyr. Elbasy QR Prezıdenti Qasym-Jomart Toqaevty «Nur Otan» partııasynan aldaǵy saılaýǵa QR Prezıdenttigine kandıdat retinde usyndy.