QR Prezıdenti: Úkimette kadrlyq tolyq aýys-túıis jasaý qarastyrylyp otyrǵan joq
«Úkimetti tolyqtaı aýystyrý máselesi turǵan joq, sebebi dál osy Úkimetti men daǵdarysqa qarsy baǵdarlamany, ındýstrııalandyrý baǵdarlamasyn ázirleýge, «Nurly jol», 5 ınstıtýtsıonaldy reforma men 100 qadamdy júzege asyrýǵa qostym. Atalǵan baǵdarlamalar osy Úkimettiń qatysýymen daıarlandy. Sonymen qatar bul Úkimetke osylardy oryndaýǵa tapsyramyn. Eger de tapsyrmalardy oryndaý barysynda kemshilikterdi baıqasaq, ondaı jaǵdaılarda aýystyrý kerek bolady. Osy baǵytta qısynsyz qadamdar jasalmaıdy. Bul mınıstrlerde tájirıbeleri bar, olardyń arasynda úlkeni de, orta jastaǵylary da jáne kishileri de bar. Olar birlesip jumys isteıtin bolady», - dedi Prezıdent. Osy oraıda Elbasy qazirgi Úkimet bıyl saılaýdan keıin qurylǵanyn eske salyp ótti. «Biz «bolashaqtyqtardy» ne úshin oqyttyq? Oǵan qosa «Astana» qarjy ortalyǵynyń qurylýy baǵytynda kele jatyrmyz. Onda barlyǵy aǵylshyn tilinde júrgiziledi. Kadrlar bizde jetkilikti, sondyqtan jastar jumys isteıtin bolady», - dedi N.Nazarbaev.