QR Prezıdenti Sun Seven Stars Investment Group kompanııasynyń basshysyn qabyldady

ASTANA. QazAqparat – Memleket basshysy Qasym-Jomart Toqaev Sun Seven Stars Investment Group kompanııasynyń teń tóraǵasy jáne Bas dırektory Ý Chjendi qabyldady. QazAqparat bul týraly Aqordaǵa silteme jasap habarlaıdy.

Kezdesý barysynda qarjy salasyndaǵy ınvestıtsııalyq yntymaqtastyq, tsıfrlandyrý jáne onlaın-saýda, sondaı-aq Astana halyqaralyq qarjy ortalyǵymen ózara is-áreket máseleleri talqylandy.

Prezıdentke jańartylatyn energııa kózderi salasyndaǵy birlesken ınvestıtsııalyq jobalardy iske asyrý jospary týraly málimet berildi.

Sonymen qatar Ý Chjen óz kompanııasynyń AHQO bazasynda Kómirteginiń jahandyq tsıfrlyq saýda ortalyǵyn ashý jospary týraly aıtty.