QR Prezıdenti: Sot júıesi jabyq korporatsııa bolmaýǵa tıis

NUR-SULTAN. QazAqparat - Sot júıesi jabyq korporatsııa bolmaýǵa tıis. Bul týraly 7-inshi shaqyrylǵan Parlamenttiń alǵashqy otyrysynda Prezıdent Qasym Jomart Toqaev aıtty, dep habarlaıdy QazAqparat.

«Sondyqtan, sot korpýsyn edáýir jańartyp, oǵan túrli quqyq salalarynyń mamandaryn tartý kerek. Úmitkerlerdi iriktegen kezde olardyń kásibı tájirıbesimen qatar, jeke qasıetterin de eskergen abzal», - dedi Memleket basshysy. Prezıdenttiń aıtýynsha, bul jumys BAQ-ta ashyq kórsetilýi tıis. «Sondaı-aq, sot qyzmeti týraly aqparat qoǵam úshin neǵurlym qoljetimdi bolǵany jón. Quqyq qorǵaý organdarynyń jumysyn da barynsha ózgertý qajet. Bul másele jóninde Joldaýymda naqty aıttym.

Biz azamattarmen ózara qarym-qatynastyń servıstik modelin engizemiz. Qoǵamdyq qaýipsizdik jańa tsıfrlyq tehnologııalardy qoldaný arqyly qamtamasyz etiledi. Parlament zań ústemdigi, adal báseke jáne jeke menshikti qorǵaý qaǵıdattarynyń quqyqtyq negizin nyǵaıta túsýi kerek. Sonda bul qaǵıdattar múltiksiz oryndalatyn bolady. Búginde birqatar zańnamalyq usynystar boıynsha jumys istelip jatyr. Degenmen, áli de kóptegen tyń bastama kóterip, zańdar qabyldaý qajet», - dedi Q. Toqaev.