QR Prezıdenti Reseımen shekaralas aýmaqtardy damytýǵa qatysty aıtty

ASTANA. QazAqparat – «Qyzyljar» arnaýly ekonomıkalyq aımaǵynyń qyzmeti Qazaqstan men Reseıdiń shekaralas aýmaqtarynyń kooperatsııasyna serpin bere alady. Bul týraly Qazaqstan men Reseıdiń óńiraralyq yntymaqtastyq forýmynyń XVIII jalpy otyrysyna qatysýshylarǵa vıdeokonferentsııa rejıminde sóz arnaǵan Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Qazaqstan turaqty saýda, ınvestıtsııalyq qatynastardy damytýǵa múddeli. Shekaralas aýmaqtarymyzda avtomobıl joldaryn salý, logıstıkalyq habtar men ekonomıkalyq aımaqtar qurý basymdyq sanalady. 2019 jyly SQO-da «Qyzyljar» arnaýly ekonomıkalyq aımaǵy quryldy. Jaqyn arada ol jerde eksportqa baǵdarlanǵan zamanaýı óndirister paıda bolady. Osy arnaýly ekonomıkalyq aımaqtyń qyzmeti eki eldiń shekaralas aýmaqtarynyń kooperatsııasyna jaqsy serpin bere alady dep sanaımyn», - dedi Qasym-Jomart Toqaev.

Memleket basshysy joǵary qaıta bólý ónimderin óndirýdegi yntymaqtastyqty keńeıtý taǵy bir basymdyq ekendigine nazar aýdartty.

«Pavlodar, Atyraý oblystarynda reseılik kásiporyndardyń alıýmınıı jáne munaı-hımııa klasterinde jumys isteýi úshin qolaıly jaǵdaı bar. Osy baǵyttaǵy shekara mańyndaǵy yntymaqtastyq kooperatsııasy elderimizdiń ónerkásip áleýetin nyǵaıtýǵa járdemdesetinine senimdimin», - dedi Qazaqstan Prezıdenti.

Qasym-Jomart Toqaev óńiraralyq jáne shekaramańy yntymaqtastyǵy eki eldiń barlyq baǵyt boıynsha syndarly ózara is-qımyly úshin bazalyq platforma bolýǵa tıis degen oıyn jetkizdi.

«Qazirgi pikirtalas elderimiz arasyndaǵy teń jáne ózara tıimdi áriptestikti nyǵaıtýǵa baǵyttalǵan jańa bastamalardy ázirleýge múmkindik beretinine senimdimin», - dedi Memleket basshysy.

Foto: akorda.kz