QR Prezıdenti offshorlardy jahandyq baqylaý máselesin sheshýge shaqyrdy
Bul týraly búgin elordadaǵy Táýelsizdik saraıynda VI Astana ekonomıkalyq forýmy men Daǵdarysqa qarsy dúnıejúzilik konferentsııanyń saltanatty ashylý rásiminde QR Prezıdenti Nursultan Nazarbaev aıtty.
Búginde álemdik ekonomıkadan alatyn sabaqtardyń biri - ólshem qanaǵaty máselesi ekendigine toqtalǵan Memleket basshysy: «Birinshiden, jahandyq, ulttyq deńgeıde bolsyn qarjy sektory shynaı óndiristen bólek damı almaıdy», - dedi.
Elbasynyń atap ótýinshe, daǵdarysqa deıingi óndiris kóleminiń dúnıejúzilik jalpy ishki ónimde 8 paıyzǵa óskendigin baıqaýǵa bolady. Sondyqtan da jahandyq qarjylyq damýdy basqarýdy reformalaýda qundy qaǵazdar naryǵyn retteý modelin jasaýǵa kóbirek kóńil bólý kerek.
«Ekinshiden, offshorlarǵa jahandyq turǵydan baqylaý júrgizýge kóbirek den qoıý kerek», - dedi QR Prezıdenti.
N.Nazarbaevtyń alǵa tartqan derekterine qaraǵanda, búginde osy offshorlyq aımaqtarǵa 30 trln. dollarǵa deıin qarjy quıylýda. Al olardy baıaý iske qosylatyn mınamen salystyrýǵa bolady. «Kıprdaǵy jaǵdaıdy qatań eskertý retinde qarastyrý kerek», - dedi Elbasy.