QR Prezıdenti: Mindetimiz – Dostastyqtyń jańa geosaıası jaǵdaıdaǵy áleýetin kúsheıtý
«TMD memleketteri basshylary keńesiniń otyrysynda sóz sóıledim. Jahandyq turaqsyzdyq jaǵdaıynda birlese kúsh jumyldyrý mańyzdy. Aımaqtyq birigý men damý boıynsha ortaq maqsatqa qol jetkizý úshin birqatar mindet jóninde aıtyp, bastama kóterdim. TMD elderi bir-birinen ekonomıkalyq áleýet turǵysynan bólek, olardyń tarıhı, tipti, geosaıası kózqarasy da ártúrli. Eń bastysy, bizdiń halyqtarymyz beıbit ári tatý kórshilik jaǵdaıda ómir súrgisi keledi», - dedi QR Prezıdenti.
Sondyqtan Qasym-Jomart Toqaev memleketter basshylarynyń mindeti – halyqtardyń arasyn alshaqtatpaı, elderimizdiń tatýlyǵy men yntymaqtastyǵyn saqtaýdyń jolyn izdeý ekendigin basa aıtady.
«TMD-ny odan ári damytýdyń jańartylǵan tujyrymdamasyn qabyldadyq. Qujat ár memleketke naqty paıda ákeledi. Bizdiń mindetimiz – Dostastyqtyń jańa geosaıası jaǵdaıdaǵy áleýetin kúsheıtý. 2021 jyly biz TMD-nyń 30 jyldyǵyn atap ótemiz», - dedi QR Prezıdenti.