QR Prezıdenti Koreıa basshysymen qandaı máselelerdi talqylaǵanyn aıtty
«Jańa ǵana biz Prezıdenti Mýn Chje Inmen mazmundy kelissózder júrgizip, ekijaqty is-qımyldardyń ózekti máselelerin talqyladyq. Halyqaralyq jáne óńirlik kúntártibindegi máseleler boıynsha pikir almastyq. Іs júzinde talqylanǵan barlyq taqyryptar boıynsha ózara túsinistik pen qoldaý kórsetý jóninde kelisimge kelgenimizge qýanyshtymyn»,- dedi QR Preıdenti.
Memleket basshysy eki el arasyndaǵy strategııalyq áriptestikti sapalyq turǵydan jańa deńgeıge kóterýdi kózdeıtin jumystardy jalǵastyrýǵa ýaǵdalasqandyqtaryn da aıtty.
«BUU júıesindegi qurylymdar, DSU, Ortalyq Azııa-Koreıa Respýblıkasy forýmy jáne basqa da uıymdar aıasynda belsendi ári tyǵyz yqpaldastyqqa qol jetkizdik. Búgingi sapardan keıin kópjaqty yqpaldastyǵymyzdyń aýqymy men mazmuny keńeıetindigi sózsiz», - dedi Q.Toqaev.
Sonymen qatar, QR Prezıdenti búgingi kelissózder barysynda saýda-ekonomıkalyq ózar is-qımyldyń keleshegi de qaralǵanyn aıtty. Bul rette atalǵan baǵyttaǵy jumystar basymdyǵy Qazaqstan men Koreıa arasyndaǵy 2019-2022 jyldarǵa arnalǵan «Samal jel» atty jańa ekonomıkalyq yntymaqtastyq baǵdarlamasynda kórinis tapqandyǵyna nazar aýdartty.
«Búginde bizdiń elderimiz mashına jasaý, qurylys, jol, ınfraqurylym, aýyl sharýashylyǵy, qarjy sektory, densaýlyq saqtaý, aqparattyq-kommýnıkatsııalyq tehnologııalar syndy túrli salalarda iri jobalardy júzege asyryp jatyr. Koreılik kompanııalardyń birlesken jobalardy júzege asyrýǵa zor qyzyǵýshylyq tanytyp otyrǵandyǵy qýantady. Búginde 500-den astam birlesken qazaqstandyq-koreılik kásiporyn Qazaqstan aýmaǵynda belsendi jumys jasap jatyr. Menińshe, keleshekte olardyń sany arta túsetin bolady», - Q.Toqaev.