QR Prezıdenti kóregen saıasat júrgizip otyr - sheteldik sarapshy

ASTANA. QazAqparat - Qazaqstan Respýblıkasynyń Prezıdenti Nursultan Nazarbaev júrgizip otyrǵan saıasat kóregendilikke negizdelgen. Mundaı pikirdi Sıngapýrdyń Kýveıttegi elshisi,  Sıngapýr Syrtqy ister mınıstrliginiń Taıaý Shyǵystaǵy arnaıy elshisi, MediaCorp sıngapýrlyq medıaholdıngtiń Dırektorlar keńesiniń múshesi Zaınýl Abıdın Rashıd bildirdi, dep habarlaıdy «QazAqparat» HAA tilshisi.

«QR Prezıdenti strategııalyq maqsattardy júzege asyrýǵa qajetti negizder men alǵysharttardy anyq túsinip otyr. Sıngapýr tájrıbesine sáıkes, maqsattar men qundylyqtardy aıqyndaý qıyn emes, alaıda ınfraqurylymdar men bilim bazasyn qurý úshin ýaqyt qajet.

Qaı salada bolmasyn, onyń ishinde saıası, ákimshilik, bilim berý, jekemenshik sektor, qoǵamdyq toptarda  bolsyn, eń aldymen basqarýshy «qańqa» mańyzdy bolýy kerek. Qazaqstan resýrstarǵa baı el. Reformalardy júzege asyrýǵa tıisti  qarajat kerek. Prezıdent Nazarbaevtyń boıynda ózi usynǵan reformalardy iske asyrýǵa jeterlik kúsh-qýat bar», - dedi Sıngapýrdyń Kýveıttegi elshisi.