QR Prezıdenti qazaqstandyqtardy saılaýda belsendi daýys berýge shaqyrdy
Elbasy óz sózinde 26 sáýirge belgilengen kezekten tys prezıdenttik saılaýǵa álemniń zor qyzyǵýshylyq tanytyp otyrǵanyn basa aıtty.
«Álemniń 40 eliniń ókili, 1200-den astam baıqaýshylar, 200-den astam BAQ ókilderi qazir Qazaqstanda. Ári bul tosynnan emes. Qazaqstannyń qandaı ekenin, qandaı jolmen júrip kele jatqanyn, bul halyqtyń ereksheligi nede ekendigin taǵy da bilgileri keledi. Sondyqtan da Qazaqstan azamatynyń konstıtýtsııalyq paryzyn oryndaı otyryp, barlyǵy da daýys berýge kelýi qajet», - dedi Memleket basshysy.
QR Prezıdenti óz sózinde bir daýys eshteńe de sheshpeıdi dep oılaý durys emestigin basa aıtty.
«Saılaýshy qazaqstandyqtar saılaýǵa kóp qatysqan saıyn, álemde bizge degen qurmet arta túsedi. Sol arqyly biz ózimizdiń turaqtylyǵymyzdy dáleldeı túsemiz. Sol arqyly ózderińiz saılaǵan Prezıdentterińizdiń bedeli arta túsedi. Sondyqtan da men osy múmkinshilikti paıdalana otyryp, barsha qazaqstandyqtardy saılaýda belsendilik tanytýǵa shaqyramyn», - dedi N.Nazarbaev.