QR Prezıdenti: Qazaqstan Dúnıejúzilik týrızm uıymymen yntymaqtastyq ornatýǵa nıetti

NUR-SULTAN. QazAqparat - Memleket basshysy Dúnıejúzilik týrızm uıymynyń Bas hatshysy Zýrab Pololıkashvılımen kezdesti, dep habarlaıdy Aqordanyń baspasóz qyzmeti.

Qasym-Jomart Toqaev BUU Dúnıejúzilik týrızm uıymynyń qala týrızmine arnalǵan «Aqyldy qalalar, aqyldy mekender» ǵalamdyq sammıtiniń Qazaqstan astanasynda ótkizilýiniń mańyzdylyǵyn atap ótti.

– Sizdiń saparyńyzdyń máni zor dep sanaımyn. Dúnıejúzilik týrızm uıymynyń Segizinshi ǵalamdyq sammıtin ótkizýge Nur-Sultan qalasynyń kandıdatýrasyna qoldaý bildirgenińiz úshin Sizge rızashylyǵymdy bildiremin. Qazaqstan úshin týrızmdi, sonyń ishinde ekotýrızmdi jáne qala týrızmin damytý asa mańyzdy. Sondyqtan, biz sizdiń uıymyńyzben yntymaqtastyq ornatýǵa nıettimiz, – dedi Qazaqstan Prezıdenti.

Zýrab Pololıkashvılı Memleket basshysyna qabyldaǵany úshin alǵys aıtyp, jergilikti týrızm ındýstrııasyn damytý baǵytynda BUU Dúnıejúzilik týrızm uıymy Qazaqstanmen ózara is-qımyldarǵa erekshe mán beretinin atap kórsetti.