QR Prezıdenti qazaq tilin Qazaqstan halqy Assambleıasy arqyly úıretýdi usyndy
«Biz úshtildi bolamyz dep aıttyq, bul bireýdiń orynsyz tilegi emes. Ómir májbúrleýde. Memlekettik til bizdiń barlyǵymyz turyp jatqan halyqtyń tili, bizderge ony bilý qajet. Sondyqtan da bul tildi balalarymyzǵa mektepten bastap úıretemiz. Olardan sol tildi bilýin talap etetin bolamyz. Biz aǵylshyn tilin bilýimiz qajet. Óıtkeni ol ǵylym men ınnovatsııa tili. Sizder men bizder sóılep úırengen, bir birimizdi túsinetin orys tilin de bilý qajet», - dedi Elbasy.
Sonymen qatar Memleket basshysy elimizde qazaq tilin úırený úshin barlyq jaǵdaı jasalǵanyn atap ótti. Arnaıy qor qurylyp, odan til úırenýge qarjy bólinip jatqanyn eske saldy.
«Ony (qarjyny) jalpy Qazaqstan halqy Assambleıasy arqyly kóbirek bólip, qazaq tilin bilmeıtinderdi úıretý kerek. Bizderde qazaq tilinde qarapaıym áńgimelesý úshin barlyq múmkinshilik bar», - dedi Memleket basshysy.