QR Prezıdenti: Qazaq bir bolǵanda eshqandaı jaý alǵan emes
«Biz qazaqpyz. Óz ultymyzdy, ózimizdiń qanymyzdy syılaımyz. Eń aldymen Qazaqstanda qazaqtyń birligi kerek. Senderdiń, senderdiń urpaqtaryńnyń birligi qajet. Meniń býynym, meniń dostarym, áriptesterim moınymyzǵa túsken aýyr júkti kóterdik, táýelsizdikti ornattyq. Biz paryzymyzdy oryndadyq. Bizdiń taǵdyrymyz baqytty boldy. Bizge osyndaı kezeń tap keldi. Al endi osynyń barlyǵyn turǵyzyp, nyǵaıtyp, bolashaqta sizderdiń qoldaryńyzǵa beretin bolamyz. Sondyqtan, aldymen birlik kerek. Endi elimiz kóp ultty bolyp otyr. Eshkimniń kinási joq. Tarıhı jaǵdaı solaı boldy. Sol úshin de ózimiz uly bolamyz desek, biz keń bolýymyz kerek. Basqa ultty janshyp eshkim de uly bola almaıdy, - dedi Memleket basshysy.
Sonymen qatar Elbasy aldaǵy ýaqytta memlekettik tilimizdiń de ósip-órkendeıtindigin basa aıtyp, basqa ulttarmen birlikte bolyp, olardy tárbıeleýimiz qajettigin atap ótti.
«Qazaq bir bolǵanda eshqandaı jaý ony tarıhta alǵan emes. Bizdi bólip-bólip, júz dep, rý dep, sóıtip baryp alǵan bolatyn. Endi qolymyzǵa baqyt qusy - Táýelsizdigimiz kelgen kezde biz eshkimge ony qolymyzdan bere almaımyz», - dedi N.Nazarbaev.