QR Prezıdenti Іs basqarýshysy medıtsına mamandaryn merekemen quttyqtady
«Medıtsına salasynyń barsha qyzmetkerin búgingi kásibı merekemen quttyqtaımyn!
Ult saýlyǵy – uly baılyq. Al aq jeleńdi abzal jandardyń ár kún saıyn adam janyna arashashy bolyp, halyqtyń densaýlyǵyn jaqsartý jolyndaǵy atqaryp júrgen eńbegi zor.
Búginde QR Prezıdentiniń Іs basqarmasy Medıtsınalyq ortalyǵyna qarasty klınıkalar men saýyqtyrý mekemeleri elimizdiń densaýlyq saqtaý salasyn damytýǵa, emdeý men ońaltý standarttaryn álemdik deńgeıge kóterýge, ozyq tehnologııalardy engizýge jáne ony taratý isine súbeli úles qosyp keledi. Bilikti mamandar eńbek etetin, zamanaýı jabdyqtarmen qamtamasyz etilgen Medortalyq júıesiniń qyzmeti árbir qazaqstandyqqa kómek kórsetýge baǵyttalǵan», - dedi QR Prezıdenti Іs basqarýshysy Aıbek Dádebaev.
A.Dádebaev byltyr elordadaǵy klınıkanyń janynan ıadrolyq medıtsına ortalyǵy jáne 200 oryndyq terapevtik korpýs ashylǵanyn eske saldy. Ótken aptada mekeme halyqaralyq JCI standartyna saı ekendigin rastady. Sonymen qatar, bıyl ıadrolyq medıtsına ortalyǵynda eki radıofarmatsevtıkalyq preparatty shyǵarý jobasy sátti júzege asyrldy. Jaqyn arada qaterli isik aýrýlaryn anyqtaıtyn taǵy bir preparat shyǵarý josparlanǵan.
«Almatydaǵy ortalyq klınıkalyq aýrýhananyń da jetistikteri az emes. Byltyr onyń bazasynda Parkınson aýrýyn hırýrgııalyq jolmen emdeý ortalyǵy, arıtmologııa ortalyǵy ashylǵany da talaı naýqas adamnyń úmitin oıatyp, densaýlyǵyn túzeýine járdemdesti.
Óńirlermen aradaǵy baılanysty nyǵaıtyp, aımaqtardaǵy densaýlyq saqtaý júıesin damytýǵa yqpal etý úshin jyl basynan beri Medıtsınalyq ortalyqtyń óńirlerdegi kúnderi óte bastady. Elorda men Almatydaǵy aýrýhanalardyń mańdaıaldy mamandary Aqtóbe, Shyǵys Qazaqstan, Aqmola, Atyraý oblystaryna jáne Shymkent qalasyna baryp, naýqastarǵa myńǵa jýyq konsýltatsııa berdi, júzden astam kúrdeli operatsııa jasady. Aımaqtardaǵy áriptesterimen tájirıbe almasyp, ózderi qoldanyp júrgen jańa emdeý tehnologııalaryn tanystyrdy.
PІB júıesinde 3 myńǵa tarta medıtsına salasynyń mamany eńbek etedi. Asa mańyzdy da mártebeli mindetti abyroımen atqaryp, halyqtyń alǵysyn alyp júrgen abzal jandardy búgingi merekemen shyn júrekten quttyqtaımyn. Barshańyzǵa zor densaýlyq, shańyraqtaryńyzǵa sarqylmas shattyq pen kól-kósir qýanysh, baq-bereke tileımin! Eseli eńbekterińiz jemisti bolyp, árdaıym tolaǵaı tabysqa kenele berińizder!», - dep jazdy QR Prezıdenti Іs basqarýshysy.