QR Prezıdenti «First Abu Dhabi Bank» aktsıoneri sheıh Sýrýr ben Muhammed Ál Nahaıanmen kezdesti
Qasym-Jomart Toqaev Birikken Arab Ámirlikteri Qazaqstannyń aımaqtaǵy basty ekonomıkalyq jáne saýda seriktesi ekenin, BAÁ Prezıdenti sheıh Muhammed ben Zaıd Ál Nahaıanmen búgingi kelissóz barysynda saýda-ekonomıkalyq jáne ınvestıtsııalyq yntymaqtastyqty odan ári nyǵaıtý jóninde ýaǵdalastyqqa kelgenin, sondaı-aq mańyzdy kelisimderge qol qoıǵanyn jetkizdi.
Memleket basshysynyń aıtýynsha, Qazaqstan men BAÁ úkimetteri qabyldaǵan Strategııalyq ınvestıtsııalyq jobalar jasaý týraly birlesken deklaratsııa ekijaqty seriktestikti nyǵaıtýǵa tyń serpin beredi.
Prezıdent ınvestıtsııalyq is-árekettiń basymdyǵyna nazar aýdaryp, qabyldanǵan Deklaratsııa aıasynda sheıh Sýrýr ben Muhammed Ál Nahaıannyń kompanııalar tobyn birqatar jobany júzege asyrýǵa shaqyrdy.
Óz kezeginde Abý Dabı ámirliginiń bılik basyndaǵy áýletiniń aǵa ókili Qazaqstandaǵy jobalarǵa ınvestıtsııa quıý jónindegi josparyn aıtty.
Aıta keteıik, jeksenbi kúni Memleket basshysy resmı saparmen Birikken Arab Ámirlikterine bardy.
Keshe QR Prezıdenti «Abý Dabı turaqty damý aptalyǵy» sammıtiniń ashylý rásimine qatysyp, sóz sóıledi.
Al búgin Qasym-Jomart Toqaevty BAÁ Prezıdentiniń saraıynda saltanatty qarsy alý rásimi ótti.
Qasym-Jomart Toqaev BAÁ Prezıdenti sheıh Muhammed ben Zaıd Ál Nahaıanmen kelissóz júrgizdi.
QR Prezıdenttiń BAÁ-ge resmı sapary aıasynda 9 qujatqa qol qoıyldy.
Qasym-Jomart Toqaev pen BAÁ Prezıdenti Sheıh Muhammed ben Zaıd Ál Nahaıan birlesken málimdemesin jarııalady.
Qasym-Jomart Toqaev BAÁ Prezıdentine qonaqjaılylyǵy úshin alǵys bildirdi.
Foto: akorda.kz