QR Prezıdenti BUU Bas hatshylyǵyna saılanǵan Antonıý Gýterrıshti quttyqtady

ASTANA. QazAqparat - Nursultan Nazarbaev Antonıý Gýterrıshke Birikken Ulttar Uıymynyń Bas hatshysy laýazymyna saılanýyna baılanysty quttyqtaý jedelhatyn joldady. Bul týraly Aqoldanyń baspasóz qyzmeti habarlady.

Jedelhatta daýys berý nátıjeleri uıymǵa múshe elderdiń A.Gýterrıshke degen zor senimin kórsetkeni atap ótilgen.

«Búginde bizdiń aldymyzda turǵan eleýli syn-qaterlerdi eskersek, bul senim votýmynyń mańyzdylyǵy erekshe. Terrorızm jáne ekstremızmge qarsy kúresý, Ortalyq Azııa men Aýǵanstandaǵy qaýipsizdikti qamtamasyz etý, sondaı-aq ıadrolyq qarýdy taratpaý - BUU Qaýipsizdik keńesiniń 2017-2018 jyldardaǵy turaqty emes múshesi retindegi Qazaqstannyń qyzmetiniń basty máseleleri. Bul baǵytta belsendi túrde jemisti yntymaqtastyq ornatamyz dep úmittenemin», - delingen jedelhatta.

Sońynda Qazaqstan Prezıdenti Nursultan Nazarbaev A.Gýterrıshke jaýapty qyzmetinde tabys tilep, elimizdiń BUU-men tıimdi ózara is-qımyly odan ári jalǵasa beretinine senim bildirdi.