QR Prezıdenti bıznestiń qatysýyn qajet etetin salany atady
«Ǵylymı-tehnıkalyq qyzmet nátıjelerin ekonomıkanyń naqty sektoryna engizý sharalaryn jandandyrý kerek. Nazarbaev Ýnıversıtetinde zamanaýı ǵylymı-zertteý kesheni iske qosyldy. Onda 120 zerthana ornalasqan. Olardyń keıbiri jaqynda tolyqqanda jumysyn bastaıdy. Memlekettik organdar, ulttyq kompanııalar, bıznes qoǵamdastyqtar osyndaı ǵylymı ortalyqtarǵa jıirek baryp, ǵylymı jobalardy iske asyrý boıynsha tyǵyz yntymaqtastyqty ornatýy kerek. Jaqynda EKSPO aýmaǵynda ІT-startaptar boıynsha jumys bastaldy. Ol jerde jastardyń jumysymen jáne olardyń oılap tapqan jańa ıdeıalarymen tanystyq. Olar jobalaryn óndiriske berýge daıyn. Alaıda kommertsııalandyrý baıaý jyljyp keledi», - dedi Memleket basshysy Indýstrııalandyrýdyń ekinshi besjyldyǵy aıasyndaǵy jalpyulttyq telekópirde.
Osy oraıda, Prezıdent búginde barsha álemde bıznes jańa jobalarǵa qoldaý jasap jatqanynan, sáıkesinshe, bul tyń ıdeıalar óndiristi kóteretinin, ónimdilik deńgeıi artatynyn atap ótti.
Budan buryn habarlanǵandaı, búgingi telekópir barysynda Qazaqstan vıdeony 360º gradýs rejiminde túsiretin kózildirikti eksporttaıtyndyǵy málim boldy.
Sonymen qatar Elbasy Nursultan Nazarbaev «Saryarqa» gaz qubyrynyń qurylysyn bastaýǵa ruqsat berdi.