QR Prezıdenti birneshe volonterlik uıymdy úlgi etti
«LIDER.KZ volonterlik jumysyn erekshe atap ótken jón. Bul uıym tótenshe jaǵdaıda kómek kórsetý úshin qurylǵan. Onyń músheleri joǵalǵan azamattardy izdestirýge belsene atsalysyp keledi. Qazir osy qozǵalystyń qatarynda 1,5 myńnan astam erikti bar», - dedi Memleket basshysy volonterlerdiń «BIRGEMIZ» respýblıkalyq front-keńsesin resmı iske qosý sharasynda.
Sonymen qatar, Qazaqstan Prezıdenti volonterlikpen aınalysyp júrgen «Best for kids» qoǵamdyq qorynyń da jumysy kópshilikke úlgi-ónege ekendigini basa aıtty.
«Bul uıym óz qyzmetin osydan 10 jyl buryn Aqmola oblysynda bastaǵan. Sodan beri balalar úıindegi jasóspirimderge turaqty qoldaý kórsetip keledi. Ol jastarǵa jiger beretin túrli dárister, trenıngter ótkizedi. Sonymen qatar jetim balalarǵa kómektesedi. Mine, osyndaı volonterlik uıymdardy kóbeıtýimiz kerek», - dedi Qasym-Jomart Toqaev.