QR Prezıdenti: Aral tabanyna egiletin sekseýil alqabyn ulǵaıtamyz
«Kómirqyshqyl gazynyń áserin báseńdetýde aǵash egý jumystaryn belsendi júrgizý mańyzdy ról atqarady. Qazaqstan shaǵyn ormandy memleketterge jatady. Orman qorynyń aýdany 30 mıllıon gektar nemese jalpy aýmaqtyń 11%-yn quraıdy. Bıyl eldi kógaldandyrý boıynsha aýqymdy baǵdarlama bastaldy. 2025 jylǵa deıin 2 mıllıard aǵash egiledi. Bul bastama úlken halyqaralyq rezonansqa ıe shyn máninde ulttyq aýqymdaǵy jobaǵa aınalýda», - dedi Prezıdent elordada ótip jatqan «Parıj kelisimi men Qazaqstannyń kómirtegi beıtaraptyǵynyń maqsattaryna qol jetkizý joldary» atty halyqaralyq konferentsııa barysynda.
Sondaı-aq, ol Aral tabanyna egilip jatqan sekseýil alqabynyń aýmaǵyn keńeıtý josparlanǵanyn eske saldy.
«Biz sondaı-aq Aral teńiziniń qańsyǵan tabanyna sekseýil otyrǵyzýdy ulǵaıtý baǵdarlamasyn qabyldadyq. 2025 jylǵa qaraı bul sekseýil aqaby 1,5 mıllıon gektarǵa jetedi dep josparlap otyrmyz. Bul turǵyda ózbekstandyq áriptesterimizben yntymaqtasa áreket etip jatyrmyz», - dedi Memleket basshysy.