QR Prezıdenti Angela Merkeldi quttyqtady
Memleket basshysy Qasym-Jomart Toqaev Germanııanyń Birikken kúni ulttyq merekesimen quttyqtap, Germanııa Federatıvtik Respýblıkasynyń kantsleri Angela Merkelge jedelhat joldady.
Bir halyqty ekige bólgen Berlın qabyrǵasynyń buzylǵanyna 30 jyl tolýyna oraı joldanǵan jedelhatta, bul tek bir memlekettiń birigýine ǵana emes, ajyrap qalǵan otbasylardyń, týǵan-týystardyń qaıta qaýyshýyna jol ashty delingen.
«Bul tarıhı oqıǵa tek Eýropanyń ǵana emes, álemniń tarıhyn ózgertkeni sózsiz. Osy jyldar ishinde Germanııa qalpyna kelip, memleketti saıası, ekonomıkalyq, áleýmettik jaǵynan damytýda dúnıejúzine úlgi boldy», – dep jazdy Qazaqstan Prezıdenti.
Jedelhatta Qazaqstan men Germanııa arasynda qarym-qatynastar dostyq pen ózara qoldaý rýhynda qalyptasqanyna erekshe rızashylyq bildirilgen.
Qazaqstan Prezıdenti eki el arasyndaǵy yntymaqtastyq barlyq salalar boıynsha jalǵasyn taýyp, halyqtar ıgiligi úshin odan ári nyǵaıa beretinine senim bildiredi.