QR Prezıdenti Ákimshiliginde kóleńkeli ekonomıkaǵa qarsy turý josparyn júzege asyrý barysy qaraldy

ASTANA. 25 qazan. QazAqparat - Búgin QR Prezıdenti Ákimshiliginde Qaýipsizdik Keńesi hatshysynyń orynbasary - Qaýipsizdik Keńesi hatshylyǵynyń meńgerýshisi Q.Jańbyrshınniń tóraǵalyǵymen Bas prokýratýranyń, Ekonomıkalyq jáne sybaılas jemqorlyq qylmystarymen kúres agenttiginiń, Іshki ister mınıstrliginiń, Qarjy mınıstrliginiń Kedendik baqylaý komıteti men Salyq komıtetiniń basshylary qatysýymen keńes ótti.

Keńeste 2013-2015 jyldarǵa arnalǵan Qazaqstan Respýblıkasynda kóleńkeli ekonomıkaǵa qarsy turýdyń keshendi josparyn júzege asyrý barysy, sondaı-aq atalǵan saladaǵy problemaly máseleler qaraldy.

Barshaǵa belgili, kóleńkeli ekonomıkaǵa qarsy turýdy jáne alkogol ónimderiniń jasyryn aınalymymen kúresti jandandyrý qajettine Memleket basshysy aǵymdaǵy jylǵy 11 qazanda Aqordada ótken Úkimettiń keńeıtilgen otyrysyna qatysýshylardyń erekshe nazaryn aýdarǵan bolatyn.

Keńes barysynda keshendi jospardyń keıbir sharalaryn júzege asyrý turǵysyndaǵy memlekettik organdar is-qımylynyń qabyspaı jatqany atap ótildi.

Osyǵan baılanysty múddeli memlekettik organdarǵa Jospar is-sharalaryn sapaly atqarý jóninde pármendi sharalar qabyldaý tapsyryldy, sondaı-aq vedomstvoaralyq úılestirýdi kúsheıtý jáne ótkizilgen jumystardy keńinen aqparattyq súıemeldeý usynyldy.