QR Prezıdenti Tsıfrlyq damý mınıstri Jaslan Mádıevti qabyldady

<p>ASTANA. KAZINFORM - Memleket basshysy Tsıfrlyq damý, ınnovatsııa jáne aeroǵarysh ónerkásibi mınıstri Jaslan Mádıevti qabyldady, dep habarlaıdy Aqordanyń baspasóz qyzmeti.</p>

Prezıdentke vedomstvonyń qazirgi qyzmeti men jumys jospary jóninde baıandaldy. Jaslan Mádıevtiń aıtýynsha, memlekettik basqarýdy jáne basqa da salalardy tsıfrlyq transformatsııalaý úshin ınstıtýtsıonaldyq baza qalyptasqan. Reınjınırıng mindettemesi zań júzinde bekitilip, 600-den astam bıznes-protsess qaıta qaralǵan. Sondaı-aq GovTech platformalyq tásili arqyly tsıfrlyq transformatsııalaý úderisi bastalǵan.

Qasym-Jomart Toqaevqa jasandy ıntellektini engizý, sondaı-aq AI-driven government ekojúıesin qalyptastyrý joldary jóninde málimet berildi.

Sonymen qatar Memleket basshysyna otandyq IT-kompanııalardyń eksport naryqtaryna shyǵý perspektıvasy týraly baıandaldy.

Kezdesý sońynda Prezıdent memlekettik basqarý isin sapaly túrde tsıfrlandyrý, halyqaralyq IT-alpaýyttarmen yntymaqtastyqty jandandyrý jáne ekonomıkanyń túrli sektorynda jasandy ıntellektini odan ári damytý jóninde birqatar tapsyrma berdi.