QR Prezıdenti kýbogynda «Barys» qola júldeger atandy

<p>ASTANA. KAZINFORM - Shaıbaly hokkeıden QR Prezıdenti kýbogynda 3-oryn úshin ıegeri anyqtaldy.</p>

Qola júlde úshin elordalyq «Barys» pen Reseıdiń «Amýr» komandalary kezdesti.

Oıyn barysynda reseılik komandadan Artýr Gızdatýllın 10-mınýtta esep ashsa, «Barys» sapynan Ýeıd Ellıson 18-mınýtta tarazy basyn teńestirdi.

Reseılik klýbtan Devın Brosso 38-mınýtynda qaıtadan «Amýrdy» alǵa shyǵarsa, Álıhan Júsipbekov 44-mınýtta elordalyq klýb sapyndaǵy alǵashqy shaıbasyn soqty.

Negizgi kezeń 2:2 esebimen teń aıaqtalyp, oıyn overtaımǵa ulasty. Overtaımda «Barys» jeńis shaıbasyn soǵyp ketti.

Osylaısha qarsylasynan 3:2 esebimen basym túsken elordalyq klýb týrnırdiń qola júldesine ıe boldy.

Endi elordalyq komanda 20-25 tamyz aralyǵynda Reseıdiń Omby qalasynda ótetin «Blınov Kýbogy» maýsymaldy týrnırinde baq synaıdy. Olar Reseıdiń «Lokomotıv» (ıAroslavl), «Sıbır» (Novosibir), «Traktor» (Chelıabi) jáne «Avangard» (Omby) ujymdaryna qarsy oınaıdy.

QR Prezıdenti kýbogy fınalynda Qazaqstan olımpıadalyq quramasy men Reseıdiń «Lada» (Tolıattı) komandalary synǵa túsedi. Bastalýy 17:00-ge belgilengen.