QR Prezıdenti Ál-Farabı atyndaǵy QazUÝ rektory Janseıit Túımebaevty qabyldady

<p>Memleket basshysy Ál-Farabı atyndaǵy QazUÝ rektory Janseıit Túımebaevty qabyldady, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a> Aqordanyń <a href="https://www.akorda.kz/kz/memleket-basshysy-al-farabi-atyndagy-kazuu-rektory-zhanseyit-tuymebaevty-kabyldady-7102911" target="_blank" rel="noopener">resmı saıtyna</a> silteme jasap.</p>

Prezıdentke ýnıversıtettegi maman daıarlaý isiniń, ǵylymı-zertteý jumystarynyń nátıjeleri týraly baıandalyp, kelesi jyly 90 jyldyǵyn atap ótetin joǵary oqý ornynyń strategııalyq damý jospary tanystyryldy.

Janseıit Túımebaevtyń aıtýynsha, qazir ýnıversıtette jalpy quny 8,1 mıllıard teńge bolatyn 400 ǵylymı joba iske asyrylyp jatyr.

Prezıdenttiń mamyr aıyndaǵy QHR-ǵa resmı sapary aıasynda QazUÝ-da Qytaıdyń Soltústik-Batys polıtehnıkalyq ýnıversıtetiniń fılıalyn ashý jóninde kelisimge qol qoıylǵan bolatyn. 12 qazanda ýnıversıtet bazasynda atalǵan oqý ornynyń fılıaly ashyldy.

Budan bólek, Memleket basshysyna 2024-2026 jyldary QazUÝ qalashyǵy qurylysynyń ekinshi kezeńi júzege asyrylatyny jóninde málimet berildi. Jańa qalashyqta 8 oqý korpýsy, tehnopark jáne 12 jataqhana boı kótermek. Jýyq arada 3180 oryndyq 3 jataqhananyń qurylysy bastalady.

Kezdesý sońynda Qasym-Jomart Toqaev bilim sapasyn jaqsartý, elimizdiń damýyna ǵylymnyń qosatyn úlesin arttyrý jáne ýnıversıtet qalashyǵyn jańǵyrtý jóninde naqty tapsyrmalar berdi.